ٹانک حملے کے پولیس شہداء کی سرکاری اعزاز کے ساتھ نماز جنازہ ادا

مانجھی خیل چیک پوسٹ پر دہشت گرد حملے میں شہید ہونے والے پولیس اہلکاروں کی نمازِ جنازہ پولیس لائن ٹانک میں مکمل سرکاری اعزاز کے ساتھ ادا کر دی گئی ہے۔ نمازِ جنازہ میں آئی جی خیبرپختونخوا، چیف سیکرٹری، وزیراعلیٰ کے معاونِ خصوصی طارق سعید مروت اور دیگر اعلیٰ سول و پولیس حکام نے شرکت کی۔ اس موقع پر پولیس کے چاق و چوبند دستے نے شہداء کو سلامی پیش کی اور ان کی عظیم قربانیوں کو خراجِ عقیدت پیش کیا۔ بعد ازاں آئی جی کے پی کے اور چیف سیکرٹری نے حملے میں زخمی ہونے والے پولیس جوانوں کی عیادت کی، ان میں مالی معاونت تقسیم کی اور ان کے تمام مسائل ترجیحی بنیادوں پر حل کرنے کی یقین دہانی کرائی۔