پیٹرولیم مصنوعات کی قیمتوں میں رد و بدل، ڈیزل سستا، پیٹرول کی قیمت برقرار

حکومت نے پیٹرولیم مصنوعات کی قیمتوں میں رد و بدل کر دیا ہے۔ وزارتِ خزانہ کی جانب سے پیٹرولیم مصنوعات کی نئی قیمتوں کا باضابطہ نوٹیفکیشن جاری کر دیا گیا ہے۔

نوٹیفکیشن کے مطابق ڈیزل کی قیمت میں 14 روپے فی لیٹر کمی کی گئی ہے، جبکہ پیٹرول کی قیمت 263 روپے 45 پیسے فی لیٹر پر برقرار رکھی گئی ہے۔

اعلامیے میں بتایا گیا ہے کہ قیمت میں کمی کے بعد ڈیزل کی نئی قیمت 265 روپے 65 پیسے فی لیٹر مقرر کر دی گئی ہے۔

حکام کے مطابق نئی قیمتوں کا اطلاق فوری طور پر ہو گا۔