اسلام آباد دھماکے پر ایرانی سفیر کی تعزیت، اسحاق ڈار سے ملاقات میں دوطرفہ تعاون پر تبادلہ خیال

نائب وزیر اعظم و وزیر خارجہ اسحاق ڈار سے ایرانی سفیر رضا امیری مقدم نےملاقات کی اورامام بارگاہ دھماکے پرتعزیت کا اظہار کیا۔
ملاقات میں سحاق ڈار نے امام بارگاہ میں دہشتگرد حملے کی شدید مذمت کی اوردہشتگردی کے خلاف زیرو ٹالرنس پالیسی پر عمل جاری رکھنے کا عزم کیا۔ملاقات میں ایرانی سفیر کی جانب سے دوطرفہ ادارہ جاتی مکینزمز میں پیش رفت پر بریفنگ دی گئی۔۔پاکستان اور ایران کے درمیان مختلف شعبوں میں تعاون بڑھانے پربھی تبادلہ خیال کیا گیا۔اسحاق ڈار نے ایران کے ساتھ تعلقات مزید مضبوط بنانے کے عزم کا اعادہ کیا جبکہ دونوں ملکوں کے مابین ترجیحی شعبوں میں تعاون کے فروغ پر اتفاق کیا۔