دُھند کے باعث اہم شاہراہیں بند، لاہور شہر میں ٹریفک معمول کے مطابق

ملک کے مختلف علاقوں میں شدید دھند کے باعث کئی اہم شاہراہیں بند ہیں، جبکہ لاہور شہر میں ٹریفک معمول کے مطابق رواں دواں ہے۔
محکمہ ٹریفک کے مطابق موجودہ صورتحال کے مطابق:
ایم-2: ٹھوکر نیاز بیگ سے کوٹ مومن تک بند ہے۔
ایم-3: فیض پور سے جڑانوالہ تک بند، جبکہ جڑانوالہ سے درخانہ تک بڑی گاڑیوں کے لیے بند ہے۔
ایم-4: پنڈی بھٹیاں سے فیصل آباد تک بند ہے۔
ایم-11: لاہور سے سمبڑیال تک بند ہے۔
رنگ روڈ لاہور: ٹریفک کے لیے کھلی ہے اور لاہور شہر میں بھی ٹریفک رواں دواں ہے۔
محکمہ ٹریفک نے شہریوں کو ہدایت کی ہے کہ دھند کے دوران احتیاط سے گاڑی چلائیں اور ممکنہ تاخیر کے لیے اپنا وقت پہلے سے ایڈجسٹ کریں۔