میدانی علاقوں میں دھند، پہاڑوں میں یخ بستہ موسم، بلوچستان میں درجہ حرارت منفی
Web Desk
8 January 2026
محکمہ موسمیات نے پیشگوئی کی ہے کہ ملک کے بیشتر علاقوں میں آئندہ چند روز کے دوران موسم سرد اور خشک رہے گا جبکہ پہاڑی علاقوں میں شدید سردی کی لہر برقرار رہنے کا امکان ہے۔ بالائی علاقوں میں درجہ حرارت معمول سے کم رہنے کی توقع ظاہر کی گئی ہے۔
پنجاب، بالائی سندھ اور خیبرپختونخوا کے میدانی علاقوں میں صبح اور رات کے اوقات میں درمیانی سے شدید دھند چھائے رہنے کا امکان ہے جس کے باعث حدِ نگاہ متاثر ہو سکتی ہے اور ٹریفک میں مشکلات پیش آ سکتی ہیں۔ موٹرویز اور اہم شاہراہوں پر سفر کرنے والوں کو احتیاط برتنے کی ہدایت کی گئی ہے۔
اسلام آباد اور گردونواح میں موسم سرد اور خشک رہے گا تاہم صبح کے اوقات میں چند مقامات پر کہرا پڑنے کا امکان ہے۔ پنجاب کے بیشتر اضلاع میں بھی سرد اور خشک موسم متوقع ہے جبکہ مری، گلیات اور ملحقہ علاقوں میں شدید سردی کی لہر برقرار رہنے کی پیشگوئی کی گئی ہے، صوبے کے مختلف میدانی اضلاع میں دھند کی شدت برقرار رہنے کا امکان ہے۔
سندھ کے بالائی اضلاع بشمول سکھر، لاڑکانہ، دادو اور اطراف کے علاقوں میں درمیانی سے شدید دھند چھائے رہنے کا امکان ظاہر کیا گیا ہے۔ خیبرپختونخوا کے میدانی علاقوں میں موسم سرد اور خشک رہے گا جبکہ پشاور، مردان، بنوں اور ڈی آئی خان سمیت مختلف علاقوں میں دھند متوقع ہے۔
گلگت بلتستان اور آزاد کشمیر میں موسم شدید سرد اور خشک رہنے کا امکان ہے، تاہم کشمیر کے بعض علاقوں میں صبح کے وقت کہرا پڑ سکتا ہے۔ بلوچستان کے بیشتر اضلاع میں بھی سرد اور خشک موسم متوقع ہے جبکہ شمالی اضلاع میں شدید سردی برقرار رہے گی اور کئی علاقوں میں کم سے کم درجہ حرارت منفی میں ریکارڈ کیا گیا ہے۔
محکمہ موسمیات کے مطابق کوئٹہ میں کم سے کم درجہ حرارت منفی 4، قلات میں منفی 7، زیارت میں منفی 9 اور ژوب میں منفی 2 ڈگری سینٹی گریڈ ریکارڈ ہوا ہے۔ محکمہ موسمیات نے شہریوں کو ہدایت کی ہے کہ سردی کی شدت کے پیش نظر احتیاطی تدابیر اختیار کریں اور بزرگوں، بچوں اور کمزور افراد کا خاص خیال رکھیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026