خاتون اول نے شہید بینظیرآباد میں دل کے امراض کے ہسپتال کا افتتاح کردیا

شہید بینظیرآباد :خاتون اول آصفہ بھٹو زرداری نے شہید بینظیرآباد میں دل کے امراض کے نئے ہسپتال کا افتتاح کردیا۔ سندھ انسٹی ٹیوٹ آف کارڈیوویسکیولر ڈیزیز، پیپلز میڈیکل یونیورسٹی ہسپتال نوابشاہ سے نئے مقام پر منتقل کیا گیا ہے اور اب یہ جدید کارڈیک ایمرجنسی سروسز سے آراستہ ہے۔

نیا ہسپتال 55 بیڈز پر مشتمل ہے اور یہاں ابتدائی اینجیوپلاسٹی، بچوں کے دل کی مفت دیکھ بھال فراہم کی جائے گی۔ مستقبل میں اسٹروک انٹروینشن سروسز بھی متعارف کرائی جائیں گی۔

آصفہ بھٹو زرداری نے کہا کہ ایس آئی سی وی ڈی دنیا کا سب سے بڑا مفت کارڈیک ہیلتھ نیٹ ورک بن چکا ہے اور یہ ادارہ محروم اور پسماندہ طبقات کے لیے زندگی کی امید بن چکا ہے۔ انہوں نے ہسپتال کے قیام میں تعاون کرنے والے خیراتی اداروں کا بھی شکریہ ادا کیا۔

وزیر صحت سندھ نے کہا کہ حکومت عوامی صحت کے اداروں کو مستحکم بنانے کے لیے پرعزم ہے، ڈاکٹر عذرا فضل پیچوہو نے ایس آئی سی وی ڈی شہید بینظیرآباد کو صوبے کے طبی ڈھانچے میں اہم اضافہ قرار دیا