فنگر پرنٹس میں دشواری کا مسئلہ ختم، نادرا نے بڑی سہولت متعارف کرادی
Web Desk
31 December 2025
فنگر پرنٹس کی تصدیق میں شہریوں کو درپیش مشکلات کے پیش نظر نادرا نے ایک اہم اور جدید سہولت متعارف کرا دی ہے۔ نادرا نے چہرے کی شناخت پر مبنی بائیومیٹرک تصدیقی نظام کا آغاز کر دیا ہے جس سے بزرگ شہریوں اور طبی مسائل کے شکار افراد کو بڑی آسانی ملے گی۔
نادرا ترجمان کے مطابق وزیراعظم اور وفاقی وزیر داخلہ کی ہدایت پر متعدد اصلاحاتی اقدامات کیے گئے ہیں، جن کے تحت قومی شناختی کارڈ کے قوانین میں ترمیم کر کے بائیومیٹرک کی تعریف کو وسیع کیا گیا ہے۔ اس کے ساتھ پاک آئی ڈی موبائل ایپ پر چہرے کی شناخت کے ذریعے بائیومیٹرک تصدیق کی سہولت بھی فراہم کر دی گئی ہے۔
ترجمان نے بتایا کہ 20 جنوری سے ملک بھر کے تمام نادرا مراکز میں چہرے کی شناخت پر مبنی بائیومیٹرک تصدیقی سرٹیفکیٹ کا اجرا شروع ہو جائے گا، جسے شہری ضرورت کے وقت معمولی فیس کے عوض حاصل کر سکیں گے۔
فنگر پرنٹس کی تصدیق ناکام ہونے کی صورت میں شہری قریبی نادرا رجسٹریشن مرکز سے رجوع کریں گے، جہاں چہرے کی شناخت کی تکمیل کے بعد نادرا ایک خصوصی سرٹیفکیٹ جاری کرے گا۔ اس سرٹیفکیٹ پر شہری کی تصویر، شناختی کارڈ نمبر، نام، ولدیت، منفرد ٹریکنگ آئی ڈی اور کیو آر کوڈ درج ہوگا، جبکہ یہ سرٹیفکیٹ 7 دن تک قابلِ استعمال ہوگا۔
نادرا ترجمان کا کہنا ہے کہ ادارہ اس نظام کے مکمل نفاذ کے لیے تیار ہے اور اس ضمن میں سرکاری و نجی اداروں سے ضروری اقدامات کی درخواست بھی کر دی گئی ہے۔ 20 جنوری کے بعد اگر کسی ادارے میں اس سہولت کی عدم دستیابی پر شکایت سامنے آئی تو متعلقہ محکمے کو شکایت درج کروائی جا سکے گی۔
مزید بتایا گیا کہ ڈیجیٹل آئی ڈی کے اجرا کے بعد یہ سہولت پاک آئی ڈی موبائل ایپ پر بھی مکمل طور پر دستیاب ہو جائے گی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026