اولین ترجیح پیٹرول کی بلاتعطل فراہمی ہے،پاکستان میں سپلائی مستحکم ہے، وزیرخزانہ

وفاقی وزیرخزانہ محمد اورنگزیب کہتے ہیں حکومت کی اولین ترجیح ملک بھر میں پٹرولیم کی بلا تعطل فراہمی ہے۔ وفاقی وزیرِ خزانہ سینیٹر محمد اورنگزیب کی زیر صدارت پیٹرولیم جائزہ کمیٹی کا اجلاس ہوا۔ اس موقع پر وزیرخزانہ نے مزید کہاکہ عالمی منڈی میں اتار چڑھاؤ کے باوجود پاکستان میں سپلائی مستحکم ہے۔

اجلاس کے دوران بریفنگ میں بتایاگیاکہ ملک میں پٹرولیم کے ذخائر اطمینان بخش سطح پر موجود ہیں۔ حکومت عالمی توانائی منڈی کی صورتحال پر مسلسل نظر رکھے ہوئے ہے۔

اجلاس میں پٹرولیم مصنوعات کی درآمد، سپلائی چین اور لاجسٹکس انتظامات کا تفصیلی جائزہ لیاگیا۔اور بتاگیاکہ آئندہ ہفتوں میں ایندھن کی مسلسل فراہمی کیلئے اضافی کارگو اور درآمدی انتظامات مکمل ہیں۔ عالمی منڈی میں خام تیل اور ریفائنڈ مصنوعات کی قیمتوں میں اتار چڑھاؤ ہواہے۔ حکومت عالمی توانائی منڈی کی صورتحال پر مسلسل نظر رکھے ہوئے ہے۔

اجلاس میں خطے کی صورتحال کے تناظر میں پٹرولیم کی قیمتوں اور ذخائر کا جائزہ لیاگیا۔اس کے علاوہ ریفائنری آپریشنز اور سمندری ترسیل کے انتظامات پر بھی غورکیاگیا۔

اس کے علاوہ ایندھن کی بچت اور توانائی کے مؤثر استعمال سے درآمدی دباؤ کم کرنے کی تجاویز پربھی غورکیاگیا۔کمیٹی نے ایندھن کی  دستیابی برقرار رکھنے کے لیے اداروں کے درمیان قریبی رابطے کی ہدایت کی۔ اجلاس میں صوبوں کے ساتھ رابطے اور پٹرول پمپس پر نگرانی کے اقدامات کا بھی جائزہ لیا گیا۔