محمد اورنگزیب سے سعودی سفیر کی ملاقات، سرمایہ کاری بڑھانے پر اتفاق

وفاقی وزیر خزانہ سینیٹر محمد اورنگزیب سے سعودی عرب کے سفیر ڈاکٹر راجح تامی البقمی نے ملاقات کی، جس میں پاکستان اور سعودی عرب کے درمیان اقتصادی تعاون، تجارت، زراعت، معدنیات اور سرمایہ کاری کو فروغ دینے پر تفصیلی تبادلہ خیال کیا گیا۔ وزارتِ خزانہ کے اعلامیے کے مطابق، وزیر خزانہ نے سعودی سفیر کو ملکی معاشی استحکام، زرمبادلہ کے ذخائر، مہنگائی میں کمی اور 3 ارب امریکی ڈالر کے یورو بانڈز کے اجرا کے ذریعے عالمی سرمایہ منڈیوں میں واپسی سے آگاہ کیا۔ ملاقات میں فریقین نے علاقائی امن و امان کے قیام کے ساتھ ساختی اصلاحات کی فراہمی اور پاک سعودی تزویراتی شراکت داری کو مزید مضبوط بنانے کے عزم کا اعادہ کیا۔