چیف آف ڈیفنس فورسز فیلڈ مارشل سید عاصم منیر ایران کے دورے پر تہران پہنچ گئے

چیف آف ڈیفنس فورسز فیلڈ مارشل سید عاصم منیر اور وفاقی وزیرِ داخلہ محسن نقوی اہم سرکاری دورے پر ایران کے دارالحکومت تہران پہنچ گئے ہیں، جہاں ایرانی وزیرِ داخلہ سکندر مومنی نے ان کا پرتباک استقبال کیا۔ پاک فوج کے شعبہ تعلقات عامہ (آئی ایس پی آر) کے مطابق یہ دورہ مشرقِ وسطیٰ میں تنازع کے پرامن حل اور دیرپا امن و استحکام کے لیے پاکستان کی سفارتی کوششوں کا حصہ ہے۔ دورے کے دوران فیلڈ مارشل اور وزیرِ داخلہ ایرانی قیادت سے ملاقاتیں کریں گے۔ ترجمان ایرانی وزارتِ خارجہ اسماعیل بقائی نے پاکستانی وفد کی آمد کا خیرمقدم کرتے ہوئے کہا کہ پاکستان خطے میں کشیدگی کے خاتمے کے لیے مثبت کردار ادا کر رہا ہے اور اس دورے کے دوران دوطرفہ تعلقات سمیت سیکیورٹی امور پر تفصیلی گفتگو کی جائے گی۔