خاتون ٹیچر کے خلاف بینظیر بھٹو شہید یونیورسٹی کی اپیل خارج

وفاقی آئینی عدالت نے خاتون ٹیچر کے خلاف بینظیر بھٹو شہید یونیورسٹی کی اپیل خارج کرتے ہوئے ان کے حق میں فیصلہ برقرار رکھا ہے۔ قائم مقام چیف جسٹس جسٹس حسن اظہر رضوی نے سماعت کے دوران ریمارکس دیے کہ خاتون نے پی ایچ ڈی کے بعد تین سالہ مدت پوری کی اور یونیورسٹی نے خود ان کی رخصت کی درخواستیں منظور کی تھیں، اب یونیورسٹی انہیں بلاوجہ تنگ کر رہی ہے۔ یونیورسٹی کے وکیل نے موقف اپنایا کہ خاتون کو 56 لاکھ روپے کی اسکالر شپ دی گئی تھی اور وہ تین سالہ مدت میں 196 دن رخصت پر رہیں، جس پر قائم مقام چیف جسٹس نے استفسار کیا کہ منظور شدہ رخصت کو کیسے چیلنج کیا جا سکتا ہے اور سرکار کے خرچے پر پی ایچ ڈی کرانے کے باوجود اسسٹنٹ پروفیسر کی سیٹ پر باہر سے بندہ کیوں لایا گیا۔ عدالت نے فریقین کے دلائل سننے کے بعد یونیورسٹی کی اپیل مسترد کر دی۔