وفاقی کابینہ کا اجلاس آج طلب، وزیراعظم ویڈیو لنک کے ذریعے صدارت کریں گے

وفاقی کابینہ کے اجلاس کے شیڈول میں ردوبدل کیا گیا ہے۔ وزیراعظم شہباز شریف نے کابینہ کے تمام ارکان کو اجلاس میں موجود رہنے کی ہدایت دی ہے۔ ذرائع کے مطابق وفاقی کابینہ کا اہم اجلاس آج بروز ہفتہ صبح 10 بجے وزیراعظم ہاؤس میں ہوگا۔

ذرائع کا کہنا ہے کہ وزیراعظم شہباز شریف آذربائیجان کے دارالحکومت باکو سے ویڈیو لنک کے ذریعے اجلاس کی صدارت کریں گے۔

اجلاس میں آئین میں 27ویں ترمیم کے مسودے پر غور کیا جائے گا۔ ذرائع کے مطابق وفاقی وزیر قانون کابینہ ارکان کو مجوزہ ترمیم کے نکات پر اعتماد میں لیں گے۔

ذرائع کا کہنا ہے کہ 27ویں ترمیم سے متعلق مختلف آئینی اور انتظامی پہلوؤں پر تفصیلی تبادلۂ خیال متوقع ہے، جب کہ اجلاس میں ملکی سیاسی و معاشی صورتحال پر بھی غور کیا جائے گا۔