LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

اسلام آباد: وفاقی کابینہ نے شیڈول بلدیاتی انتخابات پھر ملتوی کرنے کی منظوری دیدی

Web Desk

2 January 2026

وزیراعظم شہباز شریف کی زیر صدارت وفاقی کابینہ کے مختصر اجلاس میں اسلام آباد میں بلدیاتی انتخابات سے متعلق نئی قانون سازی سمیت اہم فیصلوں کی منظوری دی گئی۔ اجلاس میں کابینہ کمیٹی برائے قانون سازی کے 3 اور 30 دسمبر کے فیصلوں کی توثیق کی گئی۔

ذرائع کے مطابق کابینہ کو چیف کمشنر اسلام آباد نے بلدیاتی انتخابات پر بریفنگ دی، جس کے بعد وفاقی دارالحکومت میں بلدیاتی انتخابات دوبارہ ملتوی کرنے کی منظوری دی گئی۔ کابینہ نے اسلام آباد میں پنجاب طرز کے بلدیاتی انتخابات کی قانون سازی کی بھی منظوری دے دی۔ واضح رہے کہ الیکشن کمیشن نے بلدیاتی انتخابات کے لیے 15 فروری کی تاریخ مقرر کر رکھی تھی۔

اجلاس میں وزیراعظم نے کابینہ اراکین کو نئے سال کی مبارکباد دی اور پی آئی اے کے 75 فیصد شیئرز کی نجکاری کو ایک بڑی کامیابی قرار دیتے ہوئے کہا کہ نجکاری کا عمل شفاف رہا۔ انہوں نے کہا کہ خسارے میں جانے والے سرکاری اداروں کی نجکاری حکومت کے معاشی اصلاحات کے ایجنڈے کا اہم حصہ ہے۔

وزیراعظم نے ملکی معیشت میں بہتری کا ذکر کرتے ہوئے کہا کہ رواں مالی سال کی پہلی سہ ماہی میں جی ڈی پی میں اضافہ خوش آئند ہے اور حکومت نے ملک کو ڈیفالٹ کے خطرے سے نکال کر معاشی استحکام کی راہ پر ڈالا ہے۔

انہوں نے متحدہ عرب امارات کے صدر شیخ محمد بن زاید اور سعودی ولی عہد محمد بن سلمان سے حالیہ روابط کو دوطرفہ تعلقات کے لیے مفید قرار دیا۔

اجلاس میں اقتصادی رابطہ کمیٹی اور کابینہ کمیٹی برائے لیجسلیٹو کیسز کے مختلف فیصلوں، آف گرڈ کیپٹو پاور پلانٹس سے متعلق لیوی اور گیس فروخت کے قوانین میں ترمیم کی بھی منظوری دی گئی۔