فضل الرحمان کی ایرانی سفیر سے ملاقات، خامنہ ای کی شہادت پر اظہار افسوس

جمعیت علمائے اسلام (ف) کے سربراہ مولانا فضل الرحمان نے ایرانی سفارت خانے کا دورہ کیا، جہاں انہوں نے ایرانی سفیر رضا امیری مقدم سے ملاقات کی۔ مولانا فضل الرحمان نے ایرانی سپریم لیڈر آیت اللہ علی خامنہ ای کی شہادت پر گہرے دکھ اور افسوس کا اظہار کیا اور تعزیتی کتاب میں اپنے تاثرات قلمبند کیے۔ اس موقع پر گفتگو کرتے ہوئے انہوں نے کہا کہ ہم ایران پر امریکی اور صہیونی جارحیت کی شدید مذمت کرتے ہیں۔ انہوں نے واضح کیا کہ صیہونیت اور یورپ کے گٹھ جوڑ نے پہلے فلسطین پر قبضہ کیا اور اب ایران کو نشانہ بنایا جا رہا ہے، تاہم ایران اس وقت نہ صرف اپنا بلکہ پورے فلسطین کا دفاع کر رہا ہے۔