کراچی میں بلڈرز سے بھتہ خوری ناقابلِ برداشت،ایک ماہ میں کارروائی نہ ہوئی تو دھرنا دیں گے: چیئرمین آباد
Web Desk
17 December 2025
کراچی: آباد ہاؤس میں چیئرمین ایسوسی ایشن آف بلڈرز اینڈ ڈیولپرز (آباد) محمد حسن بخشی نے میڈیا سے گفتگو کرتے ہوئے کہا ہے کہ کراچی میں بلڈرز اور بزنس کمیونٹی کو منظم انداز میں بھتہ خوری، فائرنگ اور قبضہ مافیا کے ذریعے ہراساں کیا جا رہا ہے، مگر قانون نافذ کرنے والے ادارے مؤثر کارروائی کرنے میں ناکام دکھائی دیتے ہیں۔
انہوں نے بتایا کہ گزشتہ پانچ ماہ کے دوران آباد کے 10 ممبران کو دبئی اور ایران کے نمبروں سے 5 کروڑ روپے بھتے کی کالز موصول ہوئیں۔ بھتہ مافیا بلڈرز کو پرچیاں دیتا ہے، جن پر اپنا نام اور نمبر درج ہوتا ہے، اور انکار کی صورت میں فائرنگ شروع کر دی جاتی ہے۔ ان واقعات میں احمد علی مغزی، جمیل چھانگا سمیت دیگر افراد کے ملوث ہونے کا الزام بھی عائد کیا گیا۔چیئرمین آباد نے کہا کہ کراچی میں خوف و ہراس کی فضا قائم کی جا رہی ہے، بزنس کمیونٹی کو منظم طور پر ہراساں کیا جا رہا ہے، جبکہ سیف سٹی منصوبے کے تحت لگائے گئے کیمروں سے آج تک یہ سوال باقی ہے کہ کتنے بھتہ خور پکڑے گئے۔ انہوں نے بتایا کہ وسیع اللہ لاکھو کے خلاف 60 سے زائد مقدمات درج ہیں، مگر اس کے باوجود کارروائی نظر نہیں آتی۔محمد حسن بخشی نے انکشاف کیا کہ سرجانی ٹاؤن سمیت مختلف علاقوں میں آباد ممبران کی زمینوں پر قبضے ہو چکے ہیں، 40 فٹ کی سڑکوں تک پر تجاوزات قائم ہیں اور عدالتی فیصلوں پر بھی عملدرآمد نہیں ہو رہا۔ انہوں نے کہا کہ ایف بی آر چھاپوں کے ذریعے قانونی کاروبار کو دباؤ میں لیا جا رہا ہے، جبکہ ایس بی سی اے کے افسران کی سرپرستی میں غیر قانونی تعمیرات جاری ہیں۔پیٹرن انچیف آباد محسن شیخانی نے کہا کہ آباد ملک کی 72 صنعتوں کو چلا رہی ہے، مگر آج بلڈرز کی املاک اور جانیں داؤ پر لگی ہوئی ہیں۔ انہوں نے کہا کہ ایران سے فون کر کے دھمکیاں دی جاتی ہیں اور جواب نہ دینے پر فائرنگ کی جاتی ہے۔ کل دانش علیم کے ورکر کی شہادت اس کی واضح مثال ہے۔انہوں نے آرمی چیف سے اپیل کی کہ وہ کراچی کے حالات کا نوٹس لیں اور شہر کو بچائیں، ورنہ کاروبار تباہ ہو جائے گا اور ٹیکس کلیکشن شدید متاثر ہوگی۔ آباد نے بھتہ خوری میں ملوث افراد کے خلاف ریڈ وارنٹ جاری کرنے کا مطالبہ کرتے ہوئے بلاول بھٹو اور وزیراعلیٰ سندھ کو بھی درخواستیں ارسال کر دی ہیں۔چیئرمین آباد نے اعلان کیا کہ بھتہ خوری اور قبضوں کے خلاف ایک ماہ کا الٹی میٹم دیا جا رہا ہے، اگر حالات بہتر نہ ہوئے تو دھرنوں کا راستہ اختیار کیا جائے گا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026