LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پاکستان اور بھارت کے درمیان جوہری تنصیبات اور قیدیوں کی فہرستوں کا تبادلہ

Web Desk

1 January 2026

نئے سال کے آغاز پر پاکستان اور بھارت کے درمیان قیدیوں اور جوہری تنصیبات کی فہرستوں کا باقاعدہ تبادلہ کر لیا گیا ہے۔

ہفتہ وار نیوز بریفنگ میں ترجمان دفتر خارجہ طاہر حسین اندرابی نے بتایا کہ معاہدے کے تحت دونوں ممالک سال میں دو مرتبہ قیدیوں کی فہرستوں کا تبادلہ کرتے ہیں۔ اس موقع پر 257 بھارتی قیدیوں کی فہرست پاکستان کی جانب سے بھارت کے حوالے کی گئی۔ اسی طرح یکم جنوری کو دونوں ممالک کے درمیان جوہری تنصیبات کی فہرستوں کا بھی تبادلہ کیا جاتا ہے، جس کے تحت پاکستان نے اپنی فہرست بھارت کو فراہم کر دی ہے۔

چناب پر بھارتی ڈیم منصوبہ

ترجمان دفتر خارجہ نے کہا کہ بھارت کی جانب سے دریائے چناب پر متنازعہ بجلی منصوبے سے متعلق میڈیا رپورٹس دیکھی گئی ہیں تاہم اس بارے میں بھارت نے پاکستان کو کوئی باضابطہ اطلاع نہیں دی۔ پاکستان نے سندھ طاس معاہدے کے تحت بھارت سے منصوبے کی تفصیلات طلب کر لی ہیں۔ انہوں نے واضح کیا کہ کوئی بھی یکطرفہ اقدام سندھ طاس معاہدے کی حیثیت تبدیل نہیں کر سکتا اور بھارت کو معاہدے کی پاسداری کرنی ہوگی۔

علاقائی و عالمی امور

طاہر حسین اندرابی نے کہا کہ پاکستان تائیوان کے معاملے پر چین کے مؤقف کی حمایت کرتا ہے اور یمن تنازع کے پرامن حل کا حامی ہے۔ انہوں نے بتایا کہ وزیراعظم پاکستان اور سعودی ولی عہد کے درمیان ٹیلیفونک رابطہ ہوا جس میں دوطرفہ تعلقات اور تعاون کو مزید مضبوط بنانے پر اتفاق کیا گیا۔

ترجمان کے مطابق نائب وزیراعظم و وزیر خارجہ اسحاق ڈار نے سعودی عرب، متحدہ عرب امارات، ازبکستان اور صومالیہ کے رہنماؤں سے بھی رابطے کیے، جبکہ جلد وہ چین کا دورہ کریں گے جہاں پاک چین اسٹریٹجک ڈائیلاگ میں شرکت کریں گے۔

صومالیہ سے متعلق مؤقف

دفتر خارجہ کے ترجمان نے کہا کہ پاکستان اسرائیل کی جانب سے صومالی لینڈ کو الگ ملک تسلیم کرنے کے اقدام کو مسترد کرتا ہے اور صومالیہ کی خودمختاری اور علاقائی سالمیت کی مکمل حمایت کرتا ہے۔

انہوں نے مزید بتایا کہ افغانستان میں بارڈر بند ہونے کے بعد کابل میں پاکستانی سفارت خانہ پاکستانی شہریوں سے رابطے میں ہے اور اب تک 1100 سے زائد پاکستانیوں نے سفارت خانے سے رجوع کیا ہے۔