سب کو عمران خان سے ملاقات کی اجازت دینی چاہیے: شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ بانی پی ٹی آئی عمران خان سے سب کو ملاقات کی اجازت دی. جانی چاہیے۔انسداد دہشت گردی عدالت کے باہر میڈیا سے گفتگو میں انہوں نے کہا کہ “جیل میں ملاقات کی اجازت دینے سے کیا ہوگا، عوام پہلے ہی غربت اور مہنگائی میں پسے ہوئے ہیں، ملک میں بہتری کے حالات پیدا کریں۔

“9 مئی کے مقدمات سے متعلق شیخ رشید نے کہا کہ وہ ان واقعات کے وقت بیرونِ ملک تھے، اس کے باوجود ان کے خلاف کیسز بنائے گئے۔سابق وفاقی وزیر کا مزید کہنا تھا کہ چالیس چالیس سال کی سزائیں ہوئی ہیں، میرے بھتیجے راشد شفیق کو بھی چالیس سال کی سزا ہوئی، ملک کو بہتری کی طرف لے کر جانا چاہیے