خواتین کو بااختیار بنانا پائیدار ترقی کی کنجی ہے، خاتونِ اول آصفہ بھٹو زرداری

منامہ: خاتونِ اول آصفہ بھٹو زرداری نے کہا ہے کہ خواتین کو بااختیار بنانا صرف انصاف کا تقاضہ نہیں بلکہ پائیدار ترقی کے دروازے کھولنے کی کنجی ہے۔ وہ بحرین میں شہزادی سبیکہ بنتِ ابراہیم الخلیفہ گلوبل ایوارڈ برائے خواتین کی بااختیاری کی تقریب سے خطاب کر رہی تھیں۔

خاتونِ اول نے مملکتِ بحرین کی قیادت اور خواتین کے لیے کیے گئے اقدامات کو خراجِ تحسین پیش کرتے ہوئے کہا کہ یہ ایوارڈ خواتین کی شمولیت، انصاف اور مساوی مواقع کی نمائندگی کرتا ہے۔

آصفہ بھٹو زرداری نے کہا کہ پاکستان میں محترمہ فاطمہ جناح سے لے کر شہید بے نظیر بھٹو تک پُرعزم خواتین رہنماؤں نے نہ صرف سیاست بلکہ معاشرتی ڈھانچے کو بھی بدل دیا۔

انہوں نے کہا کہ شہید بے نظیر بھٹو نے اسلامی دنیا کی پہلی خاتون وزیرِ اعظم منتخب ہو کر خواتین کی قیادت کے معنی بدل دیے، ان کے اقدامات جیسے لیڈی ہیلتھ ورکر پروگرام اور لڑکیوں کی تعلیم کا فروغ آج بھی قابلِ تقلید ہیں۔

خاتونِ اول آصفہ بھٹو زرداری نے مزید کہا کہ شہید بے نظیر بھٹو کی زندگی آج بھی ہر اُس پاکستانی کے لیے مشعلِ راہ ہے جو ایک منصف اور خوشحال قوم کا خواب دیکھتا ہے۔

خواتین کو بااختیار بنانا پائیدار ترقی کی کنجی ہے، خاتونِ اول آصفہ بھٹو زرداری

Web Desk

متعلقہ عنوانات

وزیراعظم کی قیمتی پتھروں کیلئے برانڈ پاکستان متعارف کروانے کی ہدایت

آئینی عدالت: بشریٰ بی بی کی سزا معطلی کی درخواست ناقابل سماعت قرار

کے پی حکومت سیکیورٹی چیلنجز پر چڑھائی کو ترجیح دیتی رہی، قیدی رہنما کا ریلیف عدالتوں کا اختیار ہے: اعظم نذیر تارڑ

خیبرپختونخوا کا فیصلہ واپس لے کر ایوان کو مضبوط بنایا جائے، یہ حکومت بندوق اور پیسے کے زور پر قائم ہے: اپوزیشن لیڈر

حکومت نے مذاکرات کی ہر ممکن کوشش کی لیکن تحریک انصاف نے سیاسی خود کش حملہ کیا: بلاول بھٹو

قومی اسمبلی میں خیبرپختونخوا میں ایمرجنسی کی توثیق کیلئے قرارداد پیش

محسن نقوی سے روسی ہم منصب کی ملاقات، وفود کی سطح پر تفصیلی مذاکرات

پاکستان اور عمان کا خطے میں امن کیلئے ملکر کام کرنے پر اتفاق