بجلی صارفین پر 14 ارب روپے سے زائد کا اضافی بوجھ پڑنے کا امکان

بجلی صارفین پر 14 ارب روپے سے زائد کا اضافی بوجھ پڑنے کا امکان ہے کیونکہ سی پی پی اے نے فروری کے ماہانہ فیول ایڈجسٹمنٹ کی درخواست دائر کر دی ہے۔ نیپرا اتھارٹی اس درخواست پر 31 مارچ کو سماعت کرے گی۔

فروری میں سی پی پی اے کے مطابق 7 ارب 69 کروڑ 60 لاکھ یونٹس بجلی پیدا کی گئی جبکہ ڈسکوز کو 7 ارب 42 کروڑ 70 لاکھ یونٹس فراہم کی گئی۔ ڈسکوز کو فراہم کی جانے والی بجلی کی لاگت 8 روپے 37 پیسے فی یونٹ رہی جبکہ پیداواری لاگت 8 روپے 15 پیسے فی یونٹ تھی۔ فروری کے لیے ریفرنس لاگت 6 روپے 73 پیسے فی یونٹ رہی۔

متوقع اضافے کا اطلاق کراچی سمیت ملک بھر کے بجلی صارفین پر ہوگا اور فی یونٹ 1.64 روپے تک مہنگائی کا امکان ہے۔