الیکشن کمیشن نے اراکین اسمبلی کے اثاثوں اور واجبات کے گوشوارے جمع کرانے کی آخری مقرر کر دی

اسلام آباد: الیکشن کمیشن آف پاکستان نے اراکین پارلیمنٹ اور صوبائی اسمبلیوں کے ارکان کے مالی سال 2024-25 کے اثاثوں اور واجبات کے گوشوارے جمع کرانے کی حتمی تاریخ 31 دسمبر 2025 مقرر کر دی ہے۔

الیکشن کمیشن کے مطابق یہ گوشوارے الیکشن ایکٹ 2017 کی دفعہ 137 کے تحت جمع کرانا لازم ہیں۔ تمام اراکین کو اپنے، شریک حیات اور زیر کفالت بچوں کے اثاثوں اور واجبات کے گوشوارے فارم بی پر جمع کرانا ہوں گے۔

الیکشن کمیشن یکم جنوری 2026 کو گوشوارے جمع نہ کرانے والے ارکان کے نام شائع کرے گا، جبکہ 15 جنوری تک گوشوارے جمع نہ کرانے والے اراکین کی رکنیت 16 جنوری سے معطل کر دی جائے گی۔

گوشواروں میں غلط معلومات فراہم کرنے پر الیکشن ایکٹ کے تحت قانونی کارروائی کی جائے گی۔ فارم بی الیکشن کمیشن اور متعلقہ اسمبلی سیکریٹریٹس سے مفت دستیاب ہے اور ویب سائٹ سے بھی ڈاؤن لوڈ کیا جا سکتا ہے