مصر سعودیہ کو صرف دفاعی فوجی معاونت فراہم کرے گا: صدر عبدالفتاح السیسی

مصر کے صدر عبدالفتاح السیسی نے واضح کیا ہے کہ ان کا ملک سعودی عرب کو صرف اور صرف دفاعی عسکری معاونت (Defensive Military Assistance) فراہم کرے گا۔

مصری صدر نے اپنے بیان میں تشریح کی کہ مصر کی جانب سے فراہم کی جانے والی فوجی معاونت اور اقدامات میں یمن پر کیے جانے والے حملے یا آپریشنز شامل نہیں ہوں گے۔ انہوں نے کہا کہ مصر کسی بھی باضابطہ درخواست پر دیگر بھائی عرب ممالک کے دفاع اور ان کی سرحدوں کی حفاظت کے لیے بھی مدد فراہم کرنے کے لیے ہمہ وقت تیار ہے۔

عبدالفتاح السیسی کا مزید کہنا تھا کہ مصر کی عسکری پیش قدمی صرف اور صرف عرب ممالک کی سلامتی، بقا اور استحکام کے تحفظ تک محدود رہے گی، کیونکہ خلیجی ممالک کی سیکیورٹی اصل میں مصر کی اپنی قومی سلامتی سے جڑی ہوئی ہے اور تمام عرب ممالک کی سلامتی ناقابلِ تقسیم ہے۔