آئی پی پی بحران کا شکار: انٹرا پارٹی الیکشن نہ کرانے پر الیکشن کمیشن نے انتخابی نشان روک لیا

الیکشن کمیشن آف پاکستان نے استحکامِ پاکستان پارٹی (IPP) کے خلاف ضابطے کی کارروائی کرتے ہوئے پارٹی کا انتخابی نشان روک دیا ہے۔ چیف الیکشن کمشنر کی سربراہی میں 5 رکنی کمیشن نے سماعت کی، جس کے دوران انکشاف ہوا کہ آئی پی پی اپنے ہی آئین اور الیکشن ایکٹ کی خلاف ورزی کر رہی ہے۔ ڈی جی پولیٹیکل فنانس مسعود شیروانی نے بریفنگ دیتے ہوئے بتایا کہ پارٹی کو جنوری 2026 میں انٹرا پارٹی انتخابات کرانے تھے جو نہیں کرائے گئے، جبکہ سالانہ گوشوارے اور فنڈز کی تفصیلات بھی جمع نہیں کی گئیں۔ سماعت کے دوران آئی پی پی کا کوئی نمائندہ عدالت میں پیش نہیں ہوا۔