انٹرا پارٹی الیکشن نہ کروانے پر ٹی ایل پی نااہل؛ الیکشن کمیشن نے کرین کا انتخابی نشان دینے کی استدعا مسترد

الیکشن کمیشن آف پاکستان نے محفوظ شدہ فیصلہ سناتے ہوئے تحریک لبیک پاکستان (ٹی ایل پی) کو انٹرا پارٹی الیکشن نہ کروانے پر نااہل قرار دے دیا ہے اور ان کی کرین کے انتخابی نشان الاٹ کرنے کی استدعا مسترد کر دی ہے۔ فیصلے کے متن کے مطابق ٹی ایل پی کے آخری انٹرا پارٹی الیکشن 28 دسمبر 2021 کو ہوئے تھے، جس کے بعد آئندہ الیکشن 28 دسمبر 2025 تک ہونا ضروری تھے مگر پارٹی الیکشن کروانے میں ناکام رہی۔ الیکشن کمیشن نے 4 جون 2026 کو شوکاز نوٹس جاری کیا، جس کے جواب میں ٹی ایل پی نے 6 جولائی 2025 کو الیکشن کروانے کا دعویٰ کیا اور فارم 65 جمع کروایا، جسے الیکشن کمیشن نے الیکشن ایکٹ کی دفعہ 209 کی خلاف ورزی قرار دے کر مسترد کر دیا۔ ضوابط کی پاسداری نہ کرنے پر الیکشن کمیشن نے ٹی ایل پی سے انتخابی نشان واپس لینے کا باضابطہ فیصلہ سنایا ہے۔