کوئلے کی کان میں زہریلی گیس بھرنے سے 3 کانکن جاں بحق

بلوچستان کے ضلع دکی میں کوئلہ کان میں پیش آنے والے ایک المناک حادثے میں زہریلی گیس بھرنے کے باعث 3 کانکن جاں بحق ہو گئے۔ کان انتظامیہ کے مطابق واقعہ کوئلہ کان کے اندر گہرائی میں زہریلی گیس کا اخراج ہونے سے پیش آیا، جس کے بعد ریسکیو اقدامات کر کے تینوں کانکنوں کی لاشوں کو کان سے نکال کر ضروری قانونی اور طبی کارروائی کے لیے مقامی ہسپتال منتقل کر دیا گیا ہے۔ مقامی انتظامیہ کی جانب سے واقعے کا نوٹس لیتے ہوئے حادثے کی وجوہات اور کان میں حفاظتی تدابیر کا جائزہ لینے کے لیے تحقیقات کا آغاز کر دیا گیا ہے۔