آن لائن بھیک مانگنے والوں کے لیے 3 ماہ قید اور 10 ہزار درہم جرمانہ ہوگا، دبئی پولیس کی وارننگ

دبئی پولیس نے شہریوں کو آن لائن بھیک مانگنے اور فراڈ سے متعلق خبردار کیا ہے۔ پولیس کا کہنا ہے کہ رمضان کے دوران پیشہ وار گداگر اور دھوکہ باز لوگوں کے سخاوت کے جذبے کا ناجائز فائدہ اٹھاتے ہیں۔

حکام نے شہریوں سے کہا کہ عطیات اور زکوٰۃ ہمیشہ سرکاری طور پر مجاز فلاحی اداروں کے ذریعے دیں اور مشتبہ سرگرمیوں کی فوری اطلاع متعلقہ حکام کو دیں۔

دبئی پولیس کے مطابق آن لائن بھکاریوں کے خلاف کارروائی میں 3 ماہ قید اور 10 ہزار درہم جرمانہ عائد کیا جائے گا۔ عوام کو ویب سائٹس اور سوشل میڈیا پر گردش کرنے والی مشتبہ عطیات کی اپیلوں سے دور رہنے کی ہدایت دی گئی ہے۔