دبئی ہائی وے حادثہ: بھارتی مسلم خاندان کے 4 کمسن بھائی اور ملازمہ جاں بحق

دبئی میں ایک افسوسناک ٹریفک حادثے کے نتیجے میں بھارتی ریاست کیرالہ سے تعلق رکھنے والے مسلم خاندان کے چار کمسن بیٹے اور خاندان کی ملازمہ جاں بحق ہو گئی۔
حادثہ ابوظبی دبئی ہائی وے کے قریب الشہامہ کے علاقے میں پیش آیا، جہاں خاندان کی گاڑی لیوا فیسٹیول سے واپسی پر حادثے کا شکار ہوئی۔

حادثے میں والدین اور ایک بچہ محفوظ رہے، جنہیں زخمی حالت میں اسپتال منتقل کیا گیا، جبکہ 5 سے 14 سال کی عمر کے چار بھائی موقع پر ہی دم توڑ گئے۔ جاں بحق ہونے والوں میں خاندان کی 48 سالہ ملازمہ بھی شامل ہے۔ بچے دبئی کے مختلف اسکولوں میں زیرِ تعلیم تھے۔

چاروں بچوں کو متحدہ عرب امارات میں سپردِ خاک کر دیا گیا ہے، جبکہ ملازمہ کا جسدِ خاکی آبائی شہر کیرالہ منتقل کیا جائے گا۔ حکام نے واقعے کی وجوہات جاننے کے لیے تحقیقات کا آغاز کر دیا ہے۔