دبئی : مزدوروں اور ضرورت مندوں کے لیے مفت کھانے کی سہولت، مشینیں نصب

دبئی: دبئی میں مزدوروں اور ضرورت مند شہریوں کے لیے ایک خوش آئند اقدام کے تحت شہر بھر میں مفت تازہ کھانے فراہم کرنے والی مشینیں نصب کر دی گئی ہیں۔ یہ منصوبہ محکمہ اوقات کی جانب سے شروع کیا گیا ہے تاکہ محتاج شہری اور مزدور روزانہ ایک بار تازہ اور گرما گرم کھانا حاصل کر سکیں۔

کھانے کی منصفانہ تقسیم کے لیے اسمارٹ شناختی نظام بھی متعارف کرایا گیا ہے، جس سے یہ یقینی بنایا جائے گا کہ ہر مستحق شہری کو اس سہولت تک رسائی حاصل ہو۔

یہ منصوبہ پہلی بار دو ہزار بائیس میں تجرباتی طور پر شروع کیا گیا تھا اور کامیاب تجربے کے بعد اب اسے پورے شہر میں پھیلایا گیا ہے۔ اس اقدام کا مقصد نہ صرف ضرورت مند شہریوں کی مدد کرنا بلکہ خوراک کے ضیاع کو بھی کم کرنا ہے۔

محکمہ اوقات کے حکام نے کہا کہ اس منصوبے کے ذریعے معاشرتی فلاح و بہبود کو فروغ دینے اور معاشرے کے کمزور طبقے کی مدد کرنے میں خاطر خواہ اضافہ ہوگا۔