دبئی حکام نے کاروباری شعبے کے لیے ایک ارب درہم سپورٹ پیکیج کی منظوری دے دی

دبئی کے ولی عہد شیخ حمدان بن محمد بن راشد آل مکتوم نے کاروباری شعبے کے لیے ایک ارب درہم کے امدادی پیکیج کی منظوری دی ہے۔

اس پیکیج کے تحت کاروباری افراد اور کاروبار یکم اپریل سے 3 سے 6 ماہ کے اندر مختلف سہولیات اور تعاون حاصل کریں گے۔ حکام نے کہا کہ اس اقدام کا مقصد معیشت کو مستحکم کرنا اور کاروباری ماحول کو مزید ترقی دینا ہے۔

میڈیا رپورٹ کے مطابق دبئی حکومت نے کاروباری افراد اور خاندانوں کو مکمل تعاون کی یقین دہانی کروائی اور موجودہ چیلنجز کو مواقع میں بدلنے کے عزم کا اظہار کیا۔