ایرانی قیادت میں شدید اختلافات ہیں، مذاکرات کرناچاہتے ہیں تو ہمیں فون کریں، صدرٹرمپ

امریکی صدر ڈونلڈ ٹرمپ نے ایران سے مذاکرات کے لیے اسلام آباد جانے والے اپنے وفد کو روکتے ہوئے کہاہے کہ ایرانی قیادت میں شدید اختلافات اورابہام پائے جاتے ہیں۔

سوشل میڈیا پلیٹ فارم ٹروتھ سوشل پر پیغام میں امریکی صدرنےنے لکھا کہ میں نے ایرانیوں سے مذاکرات کے لیے اسلام آباد جانے والے اپنے نمائندوں کا دورہ منسوخ کر دیا ہے۔ سفر میں بہت زیادہ وقت ضائع ہو جاتا ہے اور کام بہت ہے۔

ٹرمپ نے لکھا کہ ایران کی قیادت میں بھی شدید باہمی اختلاف اور ابہام پایا جاتا ہے۔ کسی کو نہیں معلوم کہ ایران میں  اصل میں ذمے داری کس کے پاس ہے۔‘

امریکی صدر کا کہنا تھاکہ تمام پتے ہمارے پاس ہیں۔ اگر وہ بات کرنا چاہتے ہیں تو بس ہمیں فون کرنا ہو گا۔