ایران نے جوہری ہتھیار حاصل کر لیے تو وہ اسرائیل کو تباہ کر دے گا، امریکی صدر

امریکی صدر ڈونلڈ ٹرمپ نے متنبہ کیا ہے کہ اگر ایران نے جوہری ہتھیار حاصل کر لیے تو وہ مشرقِ وسطیٰ اور اسرائیل کو مکمل طور پر تباہ کر دے گا۔ آئرلینڈ میں میڈیا سے گفتگو کرتے ہوئے صدر ٹرمپ کا کہنا تھا کہ سعودی عرب کی آئل پائپ لائن پر حملے کے پیچھے غالب امکانات کے مطابق ایران ہی دستِ کار تھا، تاہم واشنگٹن کسی بھی قیمت پر تہران کو نیوکلیئر طاقت بننے نہیں دے گا۔ انہوں نے دعویٰ کیا کہ ایران جوہری ہتھیار بنانے کی صلاحیت حاصل کرنے سے محض دو ہفتے کی دوری پر تھا اور اگر امریکہ اس پر کارروائی نہ کرتا تو تہران کی جانب سے ممکنہ حملے کا خطرہ موجود تھا۔

امریکی صدر نے مزید کہا کہ ایران کی طرف سے یورپ کے کچھ شہروں کو بھی سیکیورٹی خدشات لاحق تھے، جبکہ آبنائے ہرمز پر اس وقت امریکہ کا مکمل کنٹرول قائم ہے۔ ٹرمپ نے امید ظاہر کی کہ ایران کے ساتھ جاری یہ جنگ جلد اپنے اختتام کو پہنچے گی اور اس کے خاتمے کے ساتھ ہی بین الاقوامی مارکیٹ میں خام تیل کی قیمتوں میں بھی نمایاں کمی دیکھنے کو ملے گی۔ ان کا یہ بھی کہنا تھا کہ یمن کے حوثی باغی اب امریکہ کے ساتھ براہِ راست محاذ آرائی یا لڑائی کے خواہا نہیں۔