ٹرمپ نے نہر اونٹاریو کا نام بدل کر نہر امریکا رکھنے کا حکم دے دیا

کینیڈا کے ساتھ بڑھتی ہوئی تجارتی کشیدگی اور سرحدی اختلافات کے دوران امریکی صدر ڈونلڈ ٹرمپ نے ‘نہر اونٹاریو’ کا نام تبدیل کر کے ‘نہر امریکا’ رکھنے کے حکم نامے پر دستخط کر دیے ہیں۔ صدر ٹرمپ کا کہنا تھا کہ خلیج میکسیکو اور نہر کے نام بدل دیے گئے ہیں اور مستقبل میں بحر اوقیانوس و بحرالکاہل کے نام بھی تبدیل کیے جا سکتے ہیں۔ اس اقدام پر شدید ردعمل دیتے ہوئے کینیڈین وزیراعظم مارک کارنی اور امریکی ریاست نیویارک کی گورنر کیتھی ہوکل نے فیصلے کو ماننے سے انکار کر دیا ہے، جبکہ کینیڈین وزیراعظم کا کہنا تھا کہ نہر اونٹاریو کا نام دونوں ممالک کی تاریخ سے بھی پرانا ہے اور یہ ہمیشہ نہر اونٹاریو ہی رہے گی۔ واضح رہے کہ اس اہم آبی گزرگاہ کا تقریباً 52 فیصد حصہ کینیڈا اور باقی حصہ امریکی ریاست نیویارک میں واقع ہے۔