ٹرمپ کی جھیل اونٹاریو کی جگہ جھیل امریکا کا بورڈ لگانے کی ویڈیو وائرل

امریکی صدر ڈونلڈ ٹرمپ نے جھیل اونٹاریو کا نام تبدیل کر کے “جھیل امریکا” رکھنے کی صدارتی کوششوں کے دوران مصنوعی ذہانت (AI) سے تیار کردہ دو نئی ویڈیوز سوشل میڈیا پر جاری کر دی ہیں، جن میں سے ایک میں جھیل کے مقام پر ‘جھیل امریکا’ کا بورڈ جبکہ دوسری ویڈیو میں ٹرمپ کے بالوں کی طرز کی مسلح بطخوں کو گشت کرتے دکھایا گیا ہے۔ ویڈیوز وائرل ہونے پر سوشل میڈیا صارفین اور عالمی میڈیا نے اسے غیر سنجیدہ قرار دیتے ہوئے سخت تنقید کی ہے۔ واضح رہے کہ صدر ٹرمپ نے 27 اگست کو صدارتی حکم نامے کے ذریعے اس نام کی تبدیلی کا اعلان کیا تھا، جس کے جواب میں اونٹاریو کے وزیر اعلیٰ ڈگ فورڈ نے کینیڈین ساحل پر “جھیل اونٹاریو، اب اور ہمیشہ” کا بورڈ لگا کر اس فیصلے کو مکمل طور پر مسترد کر دیا ہے۔ تجارتی کشیدگی کے اس ماحول میں فی الوقت امریکی نقشوں پر نیا نام جبکہ کینیڈا اور دیگر عالمی سطح پر پرانا نام ہی استعمال کیا جا رہا ہے