صدر ٹرمپ کا نیتن یاہو کو امریکا میں کسی بھی صورت گرفتار کرنے سے انکار

امریکی صدر ڈونلڈ ٹرمپ نے واضح کیا ہے کہ اسرائیلی وزیراعظم بنیامین نیتن یاہو کو امریکہ میں قیام کے دوران کسی بھی صورت گرفتار نہیں کیا جائے گا۔ صدر ٹرمپ نے یہ اہم اعلان سوشل میڈیا پر جاری اپنے ایک بیان میں کیا۔

امریکی صدر کا یہ بیان ایک ایسے وقت میں سامنے آیا ہے جب نیویارک سٹی کے میئر ظہران ممدانی نے اشارہ دیا تھا کہ اگر اسرائیلی وزیراعظم ستمبر میں اقوام متحدہ کی جنرل اسمبلی کے اجلاس میں شرکت کے لیے نیویارک آتے ہیں، تو ان کی ممکنہ گرفتاری کے حوالے سے شہر کے متعلقہ حکام سے مشاورت کی جا رہی ہے۔ واضح رہے کہ بنیامین نیتن یاہو کی ممکنہ گرفتاری کا یہ معاملہ بین الاقوامی فوجداری عدالت (ICC) کی جانب سے ان کے خلاف جاری کردہ وارنٹِ گرفتاری کے تناظر میں شدید زیرِ بحث آ چکا ہے۔