ٹرمپ نے ایران کے خلاف فوجی کارروائی پر میڈیا رپورٹنگ کو غلط قرار دے دیا

امریکی صدر ڈونلڈ ٹرمپ نے ایران کے خلاف ممکنہ اور جاری عسکری اقدامات کے حوالے سے میڈیا رپورٹس کو سخت تنقید کا نشانہ بناتے ہوئے انہیں غلط قرار دیا ہے۔ اپنے بیان میں صدر ٹرمپ نے واضح کیا کہ امریکہ کے پاس موجودہ آپریشنز اور کسی بھی قسم کی ہنگامی جنگی صورتحال سے نمٹنے کے لیے ضرورت سے کہیں زیادہ جدید ترین گولہ بارود کا ذخیرہ موجود ہے۔ انہوں نے کہا کہ ملک کے اندر ریکارڈ سطح پر نیا جنگی سامان تیار کیا جا رہا ہے اور عسکری ذخائر کو مزید مستحکم بنایا جا رہا ہے۔ سابق امریکی صدر جو بائیڈن کی پالیسیوں کو نشانہ بناتے ہوئے ٹرمپ نے موقف اختیار کیا کہ پچھلی انتظامیہ نے یوکرین اور نیٹو کو اربوں ڈالر کے مفت ہتھیار فراہم کیے، اور ان کی حکومت بائیڈن دور میں یورپ کو دیے گئے تمام فنڈز کی واپسی کا مطالبہ کرے گی۔