امریکی صدر ڈونلڈ ٹرمپ ایران کے ساتھ جاری جنگ کے جلد خاتمے کیلئے پر امید

امریکی صدر ڈونلڈ ٹرمپ نے دعویٰ کیا ہے کہ انہیں پورا یقین ہے کہ ایران کے ساتھ جاری جنگ جلد اپنے اختتام کو پہنچے گی کیونکہ ایران طویل عرصے تک اس جنگ کا بوجھ برداشت کرنے کی پوزیشن میں نہیں ہے۔

اوول آفس میں صحافیوں سے گفتگو کرتے ہوئے امریکی صدر نے کہا کہ ایران زیادہ دیر تک اس جنگی تناؤ کا سامنا نہیں کر سکے گا۔ ایک سوال کے جواب میں انہوں نے اعتراف کیا کہ امریکی فوج کو وقتی طور پر بعض مخصوص اقسام کے ہتھیاروں کی فراہمی میں کچھ مشکلات کا سامنا ضرور ہے، تاہم امریکہ کے پاس جدید ترین اسلحہ کے ذخائر لامحدود ہیں جبکہ صرف چند محدود ہتھیاروں کی مقدار میں کمی آئی ہے۔

واضح رہے کہ امریکہ نے موجودہ حالات کے پیشِ نظر اپنی دفاعی پیداواری صلاحیت میں نمایاں اضافہ کرنا شروع کر دیا ہے۔ پیٹریاٹ ایئر ڈیفنس اور ٹوماہاک کروز میزائلوں سمیت اہم ہتھیاروں کی تیاری کے لیے نئے پیداواری پلانٹس بھی قائم کیے جا رہے ہیں تاکہ جنگی ضروریات کو بروقت پورا کیا جا سکے۔