ایران کے حوالے سے صورتحال بہتر، امریکا کا آبنائے ہرمز پر مکمل کنٹرول ہے: ٹرمپ

امریکی صدر ڈونلڈ ٹرمپ نے دعویٰ کیا ہے کہ ایران کے حوالے سے صورتحال مثبت سمت میں جا رہی ہے اور اس وقت آبنائے ہرمز پر صرف امریکی فورسز کا مکمل کنٹرول ہے۔ جوائنٹ بیس اینڈریوز میں صحافیوں سے گفتگو کرتے ہوئے امریکی صدر نے کہا کہ آبنائے ہرمز کی اہم بحری گزرگاہ پر کسی اور کا نہیں بلکہ صرف امریکا کا تسلط ہے کیونکہ ہماری بحریہ شاندار ہے اور ملک کے لیے حالات بہترین جا رہے ہیں۔ صدر ٹرمپ نے مزید کہا کہ وہ ایران پر اعتماد کرنے والے آخری شخص ہوں گے کیونکہ ایرانی حکام مسلسل ان سے جھوٹ بولتے رہے ہیں، تاہم انہوں نے تکرار کی کہ اس وقت اس اسٹریٹجک شاہراہ پر ایران کے بجائے مکمل طور پر امریکا کا کنٹرول قائم ہے۔