ٹرمپ کے دورہ چین سے قبل امریکی فضائیہ کے کارگو طیارے بیجنگ پہنچ گئے

امریکی صدر ڈونلڈ ٹرمپ کے دورہ چین سے قبل امریکی فضائیہ کے بھاری بھرکم ٹرانسپورٹ طیارے بیجنگ پہنچ گئے ہیں۔ میڈیا رپورٹس کے مطابق امریکی فضائیہ کے C-17 گلوب ماسٹر III طیاروں نے بیجنگ کیپیٹل انٹرنیشنل ایئرپورٹ پر لینڈ کیا ہے، جو صدر ٹرمپ کے دورے کے لیے درکار بکتر بند گاڑیاں، جدید سکیورٹی آلات اور دیگر لاجسٹک سامان لے کر پہنچے ہیں۔

صدر ٹرمپ 13 سے 15 مئی کے دوران چین کا دورہ کریں گے، جسے عالمی منظر نامے میں واشنگٹن اور بیجنگ کے درمیان سفارتی تعلقات کو بہتر بنانے کی ایک نئی کوشش کے طور پر دیکھا جا رہا ہے۔ واضح رہے کہ امریکی صدور کے غیر ملکی دوروں کے لیے سکیورٹی اور آپریشنل تیاریوں کو یقینی بنانے کے لیے ان طیاروں کی آمد ایک لازمی پروٹوکول کا حصہ ہوتی ہے۔