پاک افغان صورتحال کے پیش نظر ضلع چمن میں ہیلتھ ایمرجنسی نافذ

سرحدی علاقوں میں افغان طالبان کی بلااشتعال کارروائیوں کے بعد پاکستانی افواج کی بھرپور جوابی کارروائی کے پیشِ نظر چمن انتظامیہ نے بڑے اقدامات کا آغاز کر دیا ہے۔ محکمہ صحت نے ضلع بھر کے طبی مراکز میں الرٹ جاری کر دیا ہے۔ ڈی ایچ او کا کہنا ہے کہ تمام طبی آلات اور ایمبولینسز کو فنکشنل حالت میں رکھنے کے احکامات جاری کیے گئے ہیں۔ یہ اقدامات “آپریشن غضب للحق” کے نتیجے میں پیدا ہونے والی ممکنہ صورتحال اور زخمیوں کو فوری طبی امداد فراہم کرنے کے لیے کیے گئے ہیں، کیونکہ پاکستانی فورسز کی کارروائیوں سے سرحدی پٹی پر حالات انتہائی کشیدہ ہیں۔