LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

فوج اور عوام کے درمیان فاصلے دفاع کو کمزور کر رہے ہیں،حافظ نعیم الرحمان

Web Desk

7 January 2026

امیر جماعتِ اسلامی حافظ نعیم الرحمان نے کہا ہے کہ نظام محض چہرے بدلنے سے نہیں بلکہ مسلسل جدوجہد سے بدلا جا سکتا ہے۔ پنجاب کے شہر اٹک میں ریلوے گراؤنڈ میں جلسے سے خطاب کرتے ہوئے انہوں نے کہا کہ فوج اور عوام کے درمیان فاصلے دفاع کو کمزور کر رہے ہیں، قوم متحد ہو تو دشمن کو شکست دی جا سکتی ہے، جبکہ فارم 47 کی حکومت عوامی غصے کی بنیادی وجہ بن چکی ہے۔

انہوں نے کہا کہ ملک کا عدالتی نظام ناکامی کا شکار ہے، 23 لاکھ سے زائد مقدمات زیر التوا ہیں اور انصاف غریب و مڈل کلاس کی دسترس سے باہر ہو چکا ہے۔ ان کے مطابق 26ویں اور 27ویں آئینی ترامیم کے بعد عدالتی اصلاحات عملاً ختم ہو گئیں۔

حافظ نعیم الرحمان نے کہا کہ پاکستان میں 83 فیصد مزدور غیر رسمی شعبے سے وابستہ ہیں جنہیں کوئی قانونی تحفظ حاصل نہیں، جبکہ کم از کم اجرت کے دعوے محض کاغذی کارروائی بن چکے ہیں۔ انہوں نے بتایا کہ 2 کروڑ 62 لاکھ بچے اسکول سے باہر ہیں جو ریاستی ناکامی کی واضح مثال ہے۔ ان کے مطابق سرکاری اسکول تباہ حال ہیں اور 25 ہزار سے زائد اسکول آؤٹ سورس کیے جا چکے ہیں، جس کے باعث تعلیم دولت کی بنیاد پر تقسیم ہو گئی ہے۔

کشمیر کے حوالے سے انہوں نے واضح کیا کہ کشمیر کے بغیر کسی ثالثی کو قبول نہیں کیا جا سکتا اور کشمیریوں کو حقِ خود ارادیت دینا ناگزیر ہے۔ ان کا کہنا تھا کہ پاکستان اور افغانستان کے مسائل کا حل مذاکرات میں ہے، جنگ میں نہیں۔

امیر جماعتِ اسلامی نے بلدیاتی انتخابات نہ کرانے کو آئین کی کھلی خلاف ورزی قرار دیتے ہوئے کہا کہ پنجاب میں 2015 کے بعد بلدیاتی الیکشن نہیں ہوئے۔ انہوں نے غیر جماعتی بلدیاتی نظام کو عوام کے ساتھ دھوکہ قرار دیا اور مطالبہ کیا کہ اختیارات نچلی سطح تک منتقل کیے جائیں۔