اسحاق ڈار کا ازبک وزیر خارجہ سے رابطہ، باہمی دلچسپی کے امور پر گفتگو

ترجمان دفترِ خارجہ کے مطابق نائب وزیراعظم و وزیرِ خارجہ اسحاق ڈار نے اپنے دورۂ لندن کے دوران ازبکستان کے وزیرِ خارجہ بختیار سعیدوف سے ٹیلی فون پر گفتگو کی ہے۔ دونوں رہنماؤں نے باہمی دلچسپی کے امور پر تبادلہ خیال کرنے کے ساتھ پاکستان اور ازبکستان کے مابین قریبی اور برادرانہ تعلقات کی توثیق کی۔ گفتگو کے دوران کرغزستان میں منعقد ہونے والے شنگھائی تعاون تنظیم (ایس سی او) کے سربراہانِ ریاست کونسل کے آئندہ اجلاس پر بھی بات چیت کی گئی، اور دونوں وزرائے خارجہ نے اس ایس سی او سربراہی اجلاس کے موقع پر بالمشافہ ملاقات کرنے پر اتفاق کیا۔