نجی بینک کی کیش وین سے ساڑھے تین کروڑ روپے کی ڈکیتی

گلگت بلتستان کے علاقے داریل میں مسلح افراد نجی بینک کی کیش وین کو نشانہ بناتے ہوئے ساڑھے تین کروڑ روپے کی بھاری رقم لوٹ کر فرار ہو گئے۔ بینک انتظامیہ کے ذرائع کے مطابق یہ نقد رقم کیش سکیورٹی کمپنی کی گاڑی کے ذریعے چلاس سے داریل منتقل کی جا رہی تھی کہ راستے میں مسلح ڈاکوؤں نے گاڑی کو روک کر رقم لوٹ لی۔ ڈکیتی کی اطلاع ملتے ہی پولیس کی بھاری نفری فوری طور پر موقع پر پہنچ گئی اور ملزمان کی گرفتاری کے لیے علاقے کی مکمل ناکہ بندی کر کے سرچ آپریشن کا آغاز کر دیا گیا ہے۔