وزیراعظم کی زیر صدارت دانش یونیورسٹی بورڈ آف ٹرسٹیز کا اجلاس

وزیراعظم محمد شہباز شریف کی زیر صدارت دانش یونیورسٹی کے بورڈ آف ٹرسٹیز کا اجلاس منعقد ہوا، جس میں وزیراعظم نے بورڈ کے چیئرمین اور اراکین کا خیرمقدم کیا اور ان کے لیے نیک خواہشات کا اظہار کیا۔

وزیراعظم نے کہا کہ بورڈ کی کاوشیں علم کی روشنی پھیلانے میں اہم کردار ادا کریں گی اور دانش یونیورسٹی ٹیکنالوجی اور جدید علوم کے فروغ پر توجہ مرکوز کرے گی۔ انہوں نے یونیورسٹی کی عمارت کو سادہ مگر پر وقار طرز پر تعمیر کرنے کی ہدایت بھی دی۔وزیراعظم نے طلباء کی بھرتی کے حوالے سے ہدایت کی کہ ملک بھر، گلگت بلتستان اور آزاد جموں و کشمیر کے مستحق اور لائق طلباء کو داخلے کے مواقع فراہم کیے جائیں۔ علاوہ ازیں، سرکاری اسکولوں میں دانش یونیورسٹی کے حوالے سے آگہی پروگرام چلانے کی ہدایت بھی دی گئی۔

اجلاس میں بریفنگ دی گئی کہ:دانش یونیورسٹی پراجیکٹ مینجمنٹ یونٹ قائم کر دیا گیا ہےیونیورسٹی کا چارٹر وزارت قانون و انصاف سے منظور ہو چکا ہے اور منظوری کے لیے کابینہ اور پارلیمنٹ کو بھیجا جائے گاملک بھر میں آؤٹ ریچ پروگرام شروع کیا جا رہا ہےابتدائی طور پر عصری تقاضوں سے ہم آہنگ سینٹر آف ایکسیلنس قائم کیا جائے گامستحق طلباء کے لیے داخلے کی تیاری کے لیے ٹریننگ کیمپس شروع کیے جائیں گےیونیورسٹی کے ایکڈمک ویژن کے حوالے سے بین الاقوامی شہرت یافتہ ماہرین تعلیم سے رابطے کیے گئے ہیںاجلاس میں وزیر وفاقی تعلیم و فنی تربیت ڈاکٹر خالد مقبول صدیقی، وفاقی وزیر قانون و انصاف اعظم نذیر تارڑ، وفاقی وزیر اقتصادی امور احد خان چیمہ اور دانش یونیورسٹی بورڈ آف ٹرسٹیز کے اراکین و متعلقہ اعلیٰ سرکاری افسران نے شرکت کی۔