سی بی ڈی بلیوارڈ ہیوی بائیکرز کیلئے نوگو ایریا قرار، سی ٹی او لاہور کا بڑا اعلان
Web Desk
27 June 2026
چیف ٹریفک آفیسر (سی ٹی او) لاہور سید عبدالرحیم شیرازی نے شہر میں امن و امان اور ٹریفک کی روانی کو برقرار رکھنے کے لیے بڑا اعلان کرتے ہوئے سی بی ڈی بلیوارڈ کو ہیوی بائیکرز کے لیے ‘نوگو ایریا’ قرار دے دیا ہے۔
سی ٹی او لاہور کے مطابق، ہیوی بائیکرز ٹولیوں کی شکل میں مین بلیوارڈ پر ریسنگ، تیز رفتاری اور شدید شور شرابے کا باعث بنتے ہیں، جس سے شہریوں کو سخت پریشانی کا سامنا کرنا پڑتا ہے۔ اسی کے پیش نظر اب ان کے خلاف سخت قانونی کارروائی کا فیصلہ کیا گیا ہے۔ انہوں نے واضح کیا کہ خصوصاً ویک اینڈ نائٹس (تعطیلات کی راتوں) پر ون ویلنگ، خطرناک کرتب اور تیز رفتاری کا مظاہرہ کرنے والوں کے خلاف بلاامتیاز کریک ڈاؤن کیا جائے گا۔ اس سلسلے میں تمام ڈویژنل اور سرکل افسران کو اپنی نگرانی میں سخت کارروائیاں یقینی بنانے کی ہدایت جاری کر دی گئی ہے، جبکہ شہر بھر کی نائٹ شفٹ ٹریفک پولیس کو بھی الرٹ کر دیا گیا ہے۔
سید عبدالرحیم شیرازی کا کہنا تھا کہ ٹولیوں کی صورت میں ہلڑبازی کرنے، سڑکیں بلاک کرنے اور ون ویلنگ کی کسی صورت اجازت نہیں دی جائے گی۔ انہوں نے بتایا کہ سی بی ڈی مین بلیوارڈ، ڈیفنس مین بلیوارڈ اور کینال روڈ پر خصوصی نگرانی اور سخت اقدامات کیے جا رہے ہیں۔ ٹریفک قوانین کی خلاف ورزی کرنے والوں کی نشاندہی کے لیے سیف سٹی کیمروں کی مدد لی جائے گی اور قانون ہاتھ میں لینے والوں کے خلاف فوری مقدمات درج کیے جائیں گے۔ سی ٹی او لاہور نے والدین سے بھی دردمندانہ اپیل کی ہے کہ وہ اپنے نوجوان بچوں کی سرگرمیوں پر خصوصی نظر رکھیں، کیونکہ تیز رفتاری اور خطرناک بائیک رائڈنگ جان لیوا ثابت ہو سکتی ہے۔ انہوں نے مزید کہا کہ شہر میں محفوظ سفر کو یقینی بنانے کے لیے جہاں بائیکرز کے خلاف ایکشن ہوگا، وہی ہیوی وہیکلز (بڑی گاڑیوں) کی بھی خصوصی چیکنگ کی جائے گی
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026