بنوں میں سی ٹی ڈی، پولیس اور پاک فوج کا مشترکہ آپریشن، 2 دہشتگرد ہلاک

خیبر پختونخوا کے ضلع بنوں میں محکمہ انسدادِ دہشت گردی (سی ٹی ڈی)، ضلعی پولیس اور پاک فوج نے انٹیلی جنس معلومات کی بنیاد پر مشترکہ آپریشن کرتے ہوئے شدید فائرنگ کے تبادلے کے بعد 2 خطرناک دہشت گردوں کو ہلاک کر دیا ہے۔

سی ٹی ڈی ترجمان کے مطابق کارروائی کے دوران مارے جانے والے ایک دہشت گرد کی شناخت کالعدم تنطیم ‘اتحاد المجاہدین پاکستان’ کے اہم کمانڈر محب خان عرف ثمین کے نام سے ہوئی ہے، جس کا نام انتہائی مطلوب دہشت گردوں کی فہرست میں شامل تھا اور اس کے خلاف سی ٹی ڈی بنوں میں سنگین نوعیت کے 22 مقدمات درج تھے۔

حکام نے بتایا کہ ہلاک کمانڈر محب خان عرف ثمین پولیس اور سیکیورٹی فورسز کے اہلکاروں پر بم دھماکوں، ٹارگٹ کلنگ، اغوا برائے تاوان اور دیگر تخریبی کارروائیوں میں کلیدی کردار ادا کرتا رہا تھا۔ سی ٹی ڈی حکام کے مطابق آپریشن کے دوران ہلاک ہونے والے دوسرے دہشت گرد کی شناختی تصدیق کا عمل جاری ہے