عالمی مارکیٹ میں تیل کی قیمت میں کمی ریکارڈ

عالمی مارکیٹ میں غیر یقینی صورتحال اور اتار چڑھاؤ کے دوران خام تیل کی قیمتوں میں ۵ فیصد سے زائد کی نمایاں کمی ریکارڈ کی گئی ہے۔ غیر ملکی خبر ایجنسی کی رپورٹ کے مطابق، مشرقِ وسطیٰ میں جاری کشیدگی اور حملوں کے باوجود عالمی مارکیٹ میں تیل کے تاجر خام تیل کی رسد (Supply) پر پڑنے والے ممکنہ اثرات کا ازسرِ نو جائزہ لے رہے ہیں، جس کے باعث عالمی منڈی میں قیمتیں نیچے آئی ہیں۔

رپورٹ میں بتایا گیا ہے کہ انٹرنیشنل بینچ مارک برینٹ خام تیل (Brent Crude) کی قیمت ۵ فیصد سے زائد گرنے کے بعد ۹۵.۶۱ ڈالر فی بیرل کی سطح پر آگئی ہے۔ واضح رہے کہ گزشتہ جمعرات کو برینٹ خام تیل کی قیمت ۱۰۰ ڈالر فی بیرل کی حد عبور کر گئی تھی۔