عدالت نے غیر ملکیوں کی ملک بدری روکنے کی استدعا مسترد کر دی

سندھ ہائیکورٹ نے غیر قانونی مقیم غیر ملکیوں کی ملک بدری سے متعلق حکومتی اقدامات پر عملدرآمد روکنے کی استدعا مسترد کر دی ہے۔

دوران سماعت عدالت نے ریمارکس دیئے درخواست گزار ترکش نیشنل ہیں تو افغان پناہ گزینوں کے کیمپوں میں کیا کررہے تھے ، عدالت حکومت کو غیر ملکیوں کی ملک بدری سے کیسے روک سکتی ہے۔

عدالت نے درخواست گزاروں کے کیمپوں میں موجود سرگرمیوں پر بھی سوال کیا، اور وکیل نے بتایا کہ درخواست گزار 45 سال قبل تبلیغ کے مقاصد کے لیے پاکستان آئے تھے۔

تاہم عدالت نے نوٹ کیا کہ درخواست گزاروں کے پاس کسی بھی قسم کے دستاویزات موجود نہیں ہیں۔

سندھ ہائیکورٹ نے کہا کہ ایسے معاملے میں عدالت کچھ نہیں کر سکتی اور درخواست گزار قونصلیٹ یا سفارتخانے سے رجوع کر سکتے ہیں