عدالت کا مسلسل عدم حاضری پر سہیل آفریدی کو گرفتار کرکے پیش کرنے کا حکم

وفاقی دارالحکومت کی عدالت نے وزیراعلیٰ خیبرپختونخوا سہیل آفریدی کو مسلسل عدم حاضری پر گرفتار کر کے پیش کرنے کا حکم دے دیا ہے۔ اسلام آباد کی عدالت میں ان کے خلاف ریاستی اداروں پر گمراہ کن الزامات اور ساکھ کو نقصان پہنچانے کے حوالے سے مقدمہ زیرِ سماعت ہے۔

سینئر سول جج عباس شاہ نے کیس کی سماعت کے دوران وزیراعلیٰ خیبرپختونخوا کی مسلسل غیر حاضری پر سخت برہمی کا اظہار کرتے ہوئے ناقابلِ ضمانت وارنٹ گرفتاری جاری کر دیے۔ عدالت نے متعلقہ حکام کو ہدایت کی کہ سہیل آفریدی کو گرفتار کر کے پیش کیا جائے۔

عدالت نے کیس کی مزید سماعت 17 جنوری تک ملتوی کر دی ہے۔

واضح رہے کہ وزیراعلیٰ خیبرپختونخوا سہیل آفریدی کے خلاف پیکا ایکٹ کے تحت نیشنل سائبر کرائم انویسٹی گیشن ایجنسی (این سی سی آئی اے) نے مقدمہ درج کر رکھا ہے۔