ٹیکس چھاپوں سے متعلق جسٹس عامر فاروق کا اہم فیصلہ جاری

وفاقی آئینی عدالت نے ٹیکس قوانین کے نفاذ کے حوالے سے ایک دوررس فیصلہ جاری کیا ہے، جس میں ٹیکس حکام کے اختیارات کو قانونی تحفظ فراہم کیا گیا ہے۔ جسٹس عامر فاروق کی جانب سے جاری کردہ فیصلے میں قرار دیا گیا ہے کہ ٹیکس حکام کسی بھی وقت، بغیر پیشگی نوٹس کے کسی بھی جگہ چھاپہ مارنے کے مجاز ہیں۔ عدالت نے اس دلیل کو مسترد کر دیا کہ چھاپے کے لیے پہلے سے کیس ہونا ضروری ہے۔ فیصلے میں واضح کیا گیا کہ پارلیمنٹ نے حکام کو وسیع اختیارات دیے ہیں، تاہم کمشنر کے لیے یہ لازم ہوگا کہ وہ تحریری طور پر بتائے کہ کس قانون کی خلاف ورزی پر کارروائی کی جا رہی ہے۔