کینیڈا سے آنے والی سرد ہواؤں نے امریکا کے کئی علاقوں کو اپنی لپیٹ میں لے لیا

کینیڈا سے آنے والی سرد ہواؤں نے امریکاکی متعدد ریاستوں کو اپنی لپیٹ میں لے لیا۔ مشی گن میں تین روز سے جاری برفباری نے معمولات زندگی کو مفلوج کر دیا ہے۔ میسوری میں بھی سڑکیں برف سے ڈھک گئی ہیں، جبکہ آئیووا، کنساس اور دیگر کئی ریاستوں میں برفباری کا سلسلہ جاری ہے۔انڈیانا ہائی وے پر متعدد گاڑیاں آپس میں ٹکرا گئیں، تاہم خوش قسمتی سے کوئی جانی نقصان نہیں ہوا۔ امریکی محکمہ موسمیات کا کہنا ہے کہ مڈ ویسٹ کی ریاستوں میں سردی کی شدت مزید بڑھنے کا امکان ہے