سماج دشمن عناصر کی ڈیجیٹل مانیٹرنگ ضروری ہے، کھلا نہیں چھوڑ سکتے،مریم نواز

وزیراعلیٰ پنجاب مریم نوازکی زیرصدارت صوبائی ایپکس کمیٹی کا اجلاس ہوا،جس میں صوبے میں سیکورٹی صورتحال پر غور کیاگیا۔اجلاس میں آپریشن ضرب للحق میں کامیابی پر پاک فوج کو خراج تحسین پیش کیاگیا۔وزیراعلیٰ مریم نواز نے کہاکہ پاکستان کو مختلف چیلنجز کا سامنا ہے لیکن اللہ تعالیٰ کامیابی سے نواز رہا ہے

اجلاس میں پاک سرزمین کے دفاع کیلئے جان کا نذرانہ پیش کرنے والے کرنل گل فراز اور دیگرشہدا کو خراج عقیدت پیش کی گیا،اورصوبے میں امن و امان کی مجموعی صورتحال پر اطمینان کا اظہار کیا گیا۔

وزیراعلیٰ کو کچے کے ایریا میں سیکیورٹی اقدامات پر بریفنگ میں بتایا گیا کہ ساڑھے تین ماہ سے اغوا برائے تاوان کا کوئی کیس سامنے نہیں آیا۔ کچے میں سیف سٹی، تعلیمی اصلاحات اورصحت سمیت دس ارب روپے کے ترقیاتی منصوبے لائے جا رہے ہیں، جبکہ پولیس کو بلٹ پروف گاڑیاں فراہم کی جا رہی ہیں۔ وزیراعلیٰ کاکہناتھاکہ سماج دشمن عناصر کی ڈیجیٹل مانیٹرنگ ضروری ہے کھلا نہیں چھوڑ سکتے۔

اجلاس میں غیر قانونی طور پر مقیم افغان باشندوں کے انخلا پر پیش رفت کا جائزہ لیا گیا اور بتایا گیا کہ ہزاروں افراد کو واپس بھجوایا جا چکا ہے .وزیر اعلیٰ نے چینی باشندوں کی سیکیورٹی کے لیے ایس او پیز پر سختی سے عملدرآمد کی ہدایت کی ۔